Git fiskin!

Tú kanst senda inn títt boð her. Minst til at skriva navn og flokk. Seinasta freist at senda inn er hósdagin 12. september.

Latínska heitið á fiskinum er Melanogrammus aeglefinus.

Fiskurin er virðismikil og verður nógv veiddur.

Fiskurin hevur tríggjar ryggfjaðrar og tvær gotfjaðrar. Búkfjaðrarnar eru heldur smalar og sita fremri enn fremsta ryggfjøður. Uggafjaðrarnar sita eins frammarlaga og fremsta ryggfjøður, og tær røkka aftur til mittastu ryggfjøður. Sterturin er nakað innbogin. Strikan er svørt og er bogin oman fyri uggafjøðurina. Hann hevur lítlan kjaft, yvirbit og lítla finnu.

Fiskurin verður upp í umleið 112 cm langur. Elsti aldursgreinaði fiskurin av hesum slagið undir Føroyum var 17 ár.

Høvuðsføðin hjá fiskinum er ymisk maðkasløg, krabbadjór og tindadjór, serliga slangustjørnur, men eisini fiskur og lindjór verða etin. (Kelda:

Havstovan)