Sunnudagin 20. juni var 10 ára hald fyri FSK í Kelduni. Hesin dagurin skuldi havt verið fyri einum ári síðani, men vegna støðuna við koronu, hevur hetta ikki borið til. 

Núverandi og fyrrverandi næmingar við foreldrum, samkoman o.o. vóru boðin til hátíðardagin. Byrjað var dagin við einum góðum drekkamunni í kafeteriuni, har myndir úr skúlanum koyrdu á skermunum. Næmingar seldu lutir til frama fyri hjálpararbeiði í Nakuru, Kenya. Á skránni vóru annars næmingaframførslur, søgulig frágreiðing og tala. Landsstýrismaðurin í uttanríkis- og mentamálum, Jenis av Rana hevði eisini eina heilsan.