Skúlafótbóltur í Vági
31. oktober luttók 4. flokkur í skúlafótbólti í Vági. Dreingirnir í 4. flokki greiða her frá túrinum:
Dreingirnir máttu upp ordiliga tíðliga, tí at Smyril sigldi kl. 8.30. Umborð spældu dreingirnir krógva og blunda, pikk, kort, og teir keyptu okkurt lekkurt í kioskini.
Fótbóltskappingin byrjaði kl. 10.00. Tað vóru nógv ymisk lið - har vóru gentulið, dreingjalið og blandað lið. 4. flokkur kappaðist í dreingjabólkinum. Liðið hjá teimum æt Kulio. Tað gekk bara heilt væl, teir vunnu ein, javnaðu ein og taptu tríggjar. Millum dystirnar klatraðu dreingirnir á klatrivegginum.
Tá dreingirnir vóru lidnir at sparka, fóru teir í Pálshøll at svimja. Teir sluppu eisini í sauna.
Á veg heim fekk onkur sjóverk.
Dreingirnir í 4. flokki vóru heima seint um kvøldið, uml kl 22.00-22.30. Teir siga, at túrur var góður og stuttligur.