ABC fyri sálarliga heilsu

Ver virkin saman við okkum í oktober og ger okkurt gott fyri sálarligu heilsuna! Fríggjadagin 1. oktober byrjar átakið "Virkin oktober". Við trimum álmanakkum til børn, ung og vaksin hava vit nøkur uppskot til, hvussu tú kanst vera virkin bæði kropsliga, sálarliga, sosialt og andaliga hvønn dag í oktober. Hvør dagur inniheldur nøkur hugskot, sum tú kanst brúka í gerandisdegnum til at styrkja sálarligu heilsuna. Tað kann vera smáar gerðir, sum enntá ikki noyðast at taka so nógva tíð og sum kunnu vera púra ókeypis. Álmanakkarnir síggjast niðanfyri. Les meira um átakið á www.folkaheilsa.fo